अनलाइन नेपाल
काठमाडौं । स्पानिस सुपर कपको उपाधि रियल मड्रिडले जितेको छ । एट्लेटिकोलाई पेनाल्टी सुटआउटमा पराजित गर्दै रियलले ट्रफी उचालेको हो ।
निर्धारित ९० मिनेट र अतिरिक्त ३० मिनेटको खेल गोलरहित बराबरी भएपछि खेल पेनाल्टी सुटआउटतर्फ धकेलिएको थियो । जसमा रियल ४–१ ले विजयी भयो ।
साउदी अरेबियाको किङ् अब्दुल्लाह सिटीमा भएको फाइनलमा रियलका लागि पेनाल्टी सुटआउटमा डानी कार्भाहल, लुका मोडरिच, रोड्रिगो र कप्तान सर्गियो रामोसले गोल गरे ।
एट्लेटिकोका लागि तेस्रो नम्बरमा पेनाल्टी हानेका किरण ट्रिपिएरले मात्र गोल गरे। त्यसअघि पेनाल्टी प्रहार गरेका सउल निगेज र थोमसले गोल गर्न सकेनन् ।
हिमचुली मिडिया प्रा. लि.
इमेल: mail.onlinenepal@gmail.com
फोन नम्बर: +977- 01-4526373 (9851137729, 9851148387)
ठेगाना: न्यू प्लाजा, पुतलीसडक, काठमाडौं
दर्ता नम्बर: 1695/076/077
