काठमाडौं । म्यानचेस्टर सिटीले लगातार तेस्रो पटक काराबाओ कपको उपाधि उचालेको छ ।

गएराति भएको फाइनलमा एस्टन भिल्लालाई २–१ ले पराजित गर्दै म्यानचेस्टर सिटीले लिग कप अर्थात इएफएल (काराबाओ कप) को उपाधि उचालेको हो ।

सिटीका लागि सर्जियो अग्युरो र रोड्रीले १–१ गोल गरे । खेलको २० औं मिनेटमा अग्युरोले गोल गर्दै टिमलाई अग्रता दिलाएका थिए । खेलको ३० औं मिनेटमा रोड्रीले गोल गरे ।

एस्टन भिल्लाका लागि ४१ औं मिनेटमा समाताले एक गोल फर्काए । म्यानचेस्टर सिटीले लगातार तेस्रो तथा पछिल्लो पाँच वर्षमा चौथो पटक लिग कप फुटबलको उपाधि जितेको हो ।