काठमाडौं । सरकारले गर्भवती र सुत्केरी महिलाको कोरोना भाइरस परीक्षणमा प्राथमिकता दिन अस्पतालहरुलाई निर्देशन दिएको छ ।
स्वास्थ्य तथा जनसंख्या मन्त्रालयले आज देशभरका अस्पताल तथा प्रयोगशालालाई गर्भवती र सुत्केरी महिलाको पिसिआर परिक्षणमा प्राथमिकता दिन निर्देशन दिएको हो ।
पछिल्लो समय कोरोना भाइरसको संक्रमण बढदै गएको र यसबाट गर्भवती तथा सुत्केरीसमेत प्रभावित भइरहेको जानकारी आएको भन्दै परीक्षणमा प्राथमिकता दिने आग्रह गरेको स्वास्थ्य मन्त्रालयले जनाएको छ ।
यसअघि मंगलबारको सचिवस्तरीय निर्णयले गर्भवती तथा सुत्केरीको स्वाब संकलन र परीक्षण गर्नुपर्ने भएमा प्राथमिकता दिनुपर्ने उल्लेख छ ।
मन्त्रालयका सहसचिव शैलजा रेग्मी भट्टराईले सबै अस्पताल र सबै प्रयोगशालाका नाममा पत्र पठाउँदै यस्तो आग्रह गरेकी छन् ।
Leave a Reply