एजेन्सी । कोरोनाभाइरस संक्रमितको संख्या झण्डै २० हजार पुगेपछि भारतकाे विहारले फेरि १६ दिन लकडाउन गर्ने घोषणा गरेको छ।

मंगलबार बसेको संकट व्यवस्थापनको बैठकले कोरोनाभाइरसको जोखिमलाई नियन्त्रणमा लिन र न्यूनीकरण गर्न जुलाई १६ देखि ३१ तारिखसम्म लकडाउन गर्ने निर्णय गर्नुका साथै प्रदेश सरकारले लकडाउनको निर्देशिका समेत तयार गरिरहेको उप–मुख्यमन्त्री सुशील कुमार मोदीले बताए ।

अतिआवश्यक सेवाबाहेक अन्य सबै सेवा बन्द रहने समाचार संस्था प्रेस ट्रष्ट अफ इण्डियाले जनाएको छ । विहारमा मंगलबारसम्म १७ हजार ९ सय ५९ संक्रमित देखिएका छन्।

पछिल्लो २४ घण्टामामात्रै एक हजार ४ सय ३२ जनामा संक्रमित भेटिएका छन् ।