एआईजी बढुवा प्रकरणमा संसदिय समिति आक्रोशित, पोखरेलले फूली लगाउन पाउलान ?

एआईजी बढुवा प्रकरणमा संसदिय समिति आक्रोशित, पोखरेलले फूली लगाउन पाउलान ?

अनलाइन नेपाल
  • शुक्रबार, मंसिर २६ २०७७

  • 8.2K
    SHARES

  • एआईजी बढुवा प्रकरणमा संसदिय समिति आक्रोशित, पोखरेलले फूली लगाउन पाउलान ?

    काठमाडौं । प्रतिनिधिसभाको राज्य व्यवस्था तथा सुशासन समितिका सभापति शशि श्रेठले समितिले दिएको निर्देशन सरकारले पालना गर्नैपर्ने जिकीर गरेकी छन् ।

    समितिले डिआईजी विश्वराज पोखरेललाई एआईजी बनाउन मन्त्रिपरिषद्को निर्णय कार्यान्वयन नगर्न गत बुधबार नै निर्देशन दिएको थियो ।

    तर, विहिबारको मन्त्रीपरिषद्ले समितिले दिएको निर्देशनविपरीत डिआइजी पोखरेललाई एआईजीमा बढुवा गरी पदस्थापन समेत गरिसकेको छ ।

    सो निर्णय विरुद्ध समितिका सभापति श्रेष्ठले अझै कडा बन्ने संकेत देखाएकी छन् । समितिलाई सरकारका गलत क्रियाकलापहरुलाई सच्याउनेदेखि निर्देशन समेत दिन सक्ने अधिकार छ ।

    सभापति श्रेष्ठले जनताप्रति उत्तरदायी हुन पनि सरकारले समितिका निदेशनहरू पालना गर्नुपर्ने बताएकी छन् ।

    जसका कारण भर्खरै एआईजीमा बढुवा भएका विश्वराज पोखरेलको पद धरापमा परेको छ । पोखरेल बढुवा भए पनि अब फूली लगाउन पाउने हुन वा होइनन् ? अन्यौल नै छ ।

    सरकारले अटेर गरेका कारण राज्य व्यवस्था समितिले अर्को निर्देशन समेत दिन लागेको समिति स्रोतको दावी छ ।

    समितिको बैठकमा अधिकांश सांसदहरूले गलत विधिबाट निर्णय भएको भन्दै उक्त बढुवा प्रकृया नै खारेज गर्न निर्देशन दिनुपर्ने बताएपछि समितिकाे निर्णय कार्यान्वयन गर्न समितिले सरकारलाई निर्देशन दिएको थियो ।

    उपप्रधानमन्त्री इश्वर पोखरेलले आफ्ना नातेदार विश्वराजलाई आईजीपी शैलेश थापा क्षेत्रीको कार्यकाल सकिएपछि प्रतिष्पर्धा नै नगराईकन आईजीपी बनाउन यो खेल रचेका हुन् ।

    उपप्रधानमन्त्री पोखरेलको यस्तो गलत कामले गर्दा प्रहरी संगठनमा चेन अफ कमाण्डमा समस्या देखिने निश्चित छ । साथै  विश्वराजका ब्याचीहरु समेत प्रतिष्पर्धा नै गर्न नपाउने भएपछि नैराश्यता छाएको छ । जुन कुराले सिंगो प्रहरी संगठनमै असर पर्ने देखिन्छ ।

    वर्तमान आईजीपी क्षेत्रीको कमजोर कार्यशैलीका कारण सरकारले यस्ता गलत निर्णयहरु पुनः दोहोर्याउन सक्ने अर्को त्रास पनि प्रहरी अधिकारीहरुमाझ फैलिएको छ ।

    सम्बन्धित विषय

    अनलाइन नेपालमा प्रकाशित समाचारको बारेमा कुनै प्रतिक्रिया, सुझाव तथा सूचना दिनुपरेमा [email protected] मा पठाउनुहोला । निरन्तर समाचारको लागी हामीसँग फेशबुक तथा ट्वीटरमा जोडिन सक्नुहुनेछ ।

    प्रतिक्रिया

    सम्बन्धित समाचार