विश्वराजले लगाए एआईजीकाे फूली

विश्वराजले लगाए एआईजीकाे फूली

अनलाइन नेपाल
  • शुक्रबार, मंसिर २६ २०७७

  • 10.3K
    SHARES

  • विश्वराजले लगाए एआईजीकाे फूली

    काठमाडौं । नेपाल प्रहरीका महानिरीक्षक (आईजिपी) शैलेश थापा क्षेत्रीले अतिरिक्त महानिरीक्षक (एआईजी)मा बढुवा भएका विश्वराज पोखरेललाई दर्ज्यान्ही चिन्ह प्रदान गरेका छन् ।

    मन्त्रिपरिषद्को बिहीबार बसेकाे बैठकले पोखरेललाई एआईजीमा बढुवा गर्ने निर्णय गरेको थियो । साेही अनुसार आईजिपी क्षेत्रीले पोखरेललाई दर्ज्यान्ही चिन्ह प्रदान गरेका हुन् ।

    बढुवा समितीले गरेको सिफारिसलाई मन्त्रिपरिषद् बैठकले अनुमोदन गरेको थियो । एआईजीमा बढुवा भएसँगै पोखरेल नेपाल प्रहरीको आगामी आईजिपी बन्ने निश्चित भएको छ।

    हालका आईजिपी क्षेत्री र अन्य तीन एआईजीले २०७९ बैशाख १८ गते अनिवार्य अवकाश पाएपछि पोखरेल एक्ला एआईजी हुनेछन् । प्रहरी नियमावलीमा बहालवाला एआईजीमध्येबाट र एआईजी नभए डीआईजीमध्येबाट आईजिपी नियुक्त गर्नुपर्ने व्यवस्था छ।

    सम्बन्धित विषय

    अनलाइन नेपालमा प्रकाशित समाचारको बारेमा कुनै प्रतिक्रिया, सुझाव तथा सूचना दिनुपरेमा [email protected] मा पठाउनुहोला । निरन्तर समाचारको लागी हामीसँग फेशबुक तथा ट्वीटरमा जोडिन सक्नुहुनेछ ।

    प्रतिक्रिया

    सम्बन्धित समाचार