काठमाडौं । नेपाल कम्युनिस्ट पार्टी (नेकपा) प्रचण्ड–नेपाल समूह निकट अनेरास्ववियुले संसद विघटन गर्ने प्रधानमन्त्री केपी शर्मा ओलीको कदमविरुद्ध ब्यंग्यात्मक कार्टुन प्रदर्शन गरेको छ ।
संसद विघटनविरुद्धको दोश्रो चरणको आन्दोलन अन्तर्गत अनेरास्ववियुले बुधबार प्रज्ञा प्रतिष्ठानको डवलीमा ब्यंग्यात्मक कार्टुन प्रदर्शन गरेको हो ।
प्रधानमन्त्रीको कदमलाई व्यंग्य गर्दै विभिन्न संचारमाध्यमहरुमा विभिन्न मितिमा प्रकाशित गरिएका कार्टुनहरुलाई संकलन गरी प्रदर्शन गरिएको अनेरास्ववियुका सहसंयोजक रञ्जित तामाङले जानकारी दिए ।
प्रधानमन्त्रीको कदम नसच्चिएसम्म आन्दोलन जारी रहने भन्दै उनले आन्दोलनका अन्य कार्यक्रम तय गरिने बताए ।
Leave a Reply