काठमाडौं । अख्तियार दुरुपयोग अनुसन्धान आयोगको प्रमुखमा पूर्व गृहसचिव प्रेमकुमार राईको नियुक्ति भएसँगै कार्यवाहक अध्यक्ष डा. गणेशराज जोशीले राजिनामा दिने भएका छन् ।
आयोगको प्रमुख आयुक्तमा नियुक्त भएका राईको मातहतमा बसेर आफुले काम गर्न नसक्ने कारण देखाउँदै उनले आजै राष्ट्रपति बिद्यादेवी भण्डारीलाई राजिनामा बुझाउने तयारी गरेको स्रोतको दावी छ ।
राई जोशीभन्दा जुनियर अधिकृत हुनन् । विगतमा राई जोशीकै मातहतमा आयोगका सचिवका रुपमा काम गरेका थिए ।
त्यसैले अहिले जुनियरको मातहतमा बसेर काम गर्न नसक्ने भन्दै उनले राजिनामा दिन लागेका हुन् ।
जोशी बुधबार कार्यालय गएका छैनन् । जोशी सँगै आयोगकी आयुक्त डा. सावित्री थापा गुरुङले राजिना दिने सम्भावना रहेको अख्तियार स्रोतको दावी छ ।
अख्तियारमा नियुक्त भएका प्रमुख आयुक्त प्रेम कुमार राई, आयुक्तहरु जयबहादुर चन्द र किशोर कुमार सिलवालले आज दिउँसो साढे १२ बजे आयोगमा पदभार ग्रहण गर्दैछन् ।
Leave a Reply