काठमाडौं । नेपाल कम्युनिस्ट पार्टी (नेकपा) प्रचण्ड–नेपाल समूहले काठमाडौंमा मार्चपास गरेको छ ।

बुधबार काठमाडौंमा आयोजना गरिएको बृहत जनप्रदर्शनअघि प्रचण्ड–नेपाल समूहका जनवर्गीय संगठनहरुले मार्चपास गरेका हुन् । मार्चपासमा रातो क्याप लगाएका युवाहरु सहभागी रहेका थिए ।

प्रतिनिधिसभा विघटन लगायतका प्रधानमन्त्रीका असंवैधानिक तथा प्रतिगामी कदमविरुद्ध बुधबार प्रचण्ड–नेपाल समूहले बृहत जनप्रदर्शनसहितको विरोध सभा गर्दैछ ।

विरोधसभा अघि उपत्यकाका ५ स्थानबाट जुलुस निकाल्ने केन्द्रीय संघर्ष समितिले जनाएको छ ।

उपत्यकाका पुल्चोक, त्रिपुरेश्वर, माइतीघर, केशरमहल र जमलबाट जुलुस निकाल्ने सो समूहले जनाएको छ । साथै जुलुसको को केन्द्रीय नेताहरुले कमाण्ड गर्ने बताइएको छ ।