मोरङ। नेकपा ओली समूहका स्थायी समिति सदस्य सुवास नेम्वाङले सर्वोच्च अदालतबाट संसद विघटन सदर हुनेमा सयमा दुई सय प्रतिशत विश्वस्त रहेको बताएका छन् । सर्वोच्चमा विचाराधीन मुद्दामा आफुले धारणा नराख्ने भन्दै नेम्वाङले भने ‘म बोल्दिनँ, सम्माननीय प्रधानमन्त्रीले भन्नुभएको छ । लोकतन्त्रमा जनताको बीचमा नगएर कहाँ जाने रु प्रधानमन्त्री सयमा दुई सय प्रतिशत विश्वस्त हुनुपर्छ । प्रधानमन्त्रीमाथि मलाई साह्रै विश्वास छ ।’

ओली समूहले विराटनगरमा शनिबार आयोजना गरेको जनसभालाई सम्बोधन गर्दै नेम्वाङले सर्वोच्चले फैसला गरेको भोलिपल्ट सबै दलले निर्वाचनमा होमिने निर्णय गर्ने बताए । उनले निर्वाचनको तयारीमा लाग्न आह्वानसमेत गरे ।

उनले सरकारलाई काम गर्नै नदिएका कारण संसद विघटन भएको दाबी गरे ।