काठमाडौँ । शिलान्यास र उद्घाटन गर्न झापा पुगेका प्रधानमन्त्री केपी शर्मा ओलीले कमल गाउँपालिका वडा नं २ स्थित कमल खोलाको पुलको उद्घाटन गरेका छन् ।

यसैगरी दिउँसो दमक नगरपालिका–१० मा रहेको मावा खोलाको पुल उद्घाटन र बहुचर्चित नेपाल–चीन मैत्री औद्योगिक पार्कको शिलान्यास गर्ने कार्यक्रम रहेको प्रधानमन्त्रीका सचिवालय सदस्य होमबहादुर थापाले जानकारी दिए ।

प्रधानमन्त्री ओलीले आजै मदन भण्डारी लोकमार्गका निर्माण हुने ३१ पुलको एकैचोटि शिलान्यास गर्ने कार्यक्रम छ ।