काठमाडौं। महानगरीय प्रहरी वृत्त थानकोटले भारतबाट तस्करी गरेर ल्याएको कछुवासहित एक जना भारतीय नागरिकलाई पक्राउ गरेको छ।
आइतबार दिउँसो महानगरीय प्रहरी प्रभाग नागढुंगामा भारत पटना घर बताउने २३ वर्षीय फैजल आलमलाई ६ वटा व्ल्याक पाउण्ड प्रजातिको कछुवासहित प्रहरीले पक्राउ गरेको हो ।
वीरगंजबाट काठमाडौंतर्फ आउँदै गरेको ना.१ ज ७०१४ नम्बरको टाटा सुमोलाई प्रहरीले जाँच गर्ने क्रममा सुमोमा सवार आलमले झोलामा लुकाई ल्याएको उक्त कछुवा फेला पारेको हो ।
आलमलाई बरामद कछुवा सहित थप अनुसन्धान तथा कारवाहीको लागि डिभिजन वन कार्यालय हात्तिसार काठमाडौं पठाइएको महानगरीय प्रहरी वृत्त थानकोटले जनाएको छ ।
Leave a Reply