काठमाडौँ। पेट्रोलियम पदार्थमा गरिएको मूल्यवृद्धिविरुद्ध विद्यार्थीहरूले प्रदर्शन गरेका छन् ।
बुधबार संयुक्त विद्यार्थी संगठनले नेपाल आयल निगम अगाडि प्रदर्शन गरेका हुन् ।
प्रदर्शनमा विद्यार्थीहरूले बढाइएको मूल्य तत्काल फिर्ता लिन सरकारसँग माग गरेका छन् ।
निगमले सोमबार मध्यरातिदेखि लागू हुने गरी पेट्रोलियम पदार्थको मूल्य वृद्धि गरेको थियो । पेट्रोल, डिजेल र मट्टीतेलमा प्रतिलिटर दुई/दुई रुपैयाँका दरले बढाइएको हो ।
नयाँ मूल्यअनुसार पेट्रोलको मूल्य प्रतिलिटर १ सय १६ रुपैयाँ, डिजेल तथा मट्टितेलको ९९ रुपैयाँ, आन्तरिक हवाई इन्धनको मूल्य ७२ रुपैयाँ र बाह्य हवाई इन्धनको मूल्य प्रतिकिलोलिटर ८ सय ९३ अमेरिकी डलर र ग्यासको मूल्य भने १ हजार ४ सय रुपैयाँमा यथावत राखिएको छ ।
यस्तै, यो मूल्यमा बिक्री गर्दा निगमलाई पेट्रोलमा प्रतिलिटर ८.४२ रुपैयाँ, डिजेलमा ६.५६ रुपैयाँ तथा एलपी ग्यासमा प्रति सिलिन्डर ३ सय ९२ रुपैयाँ ८२ पैसा नोक्सान रहेको निगमले जनाएको छ ।
Leave a Reply