काठमाडौँ। जिल्ला अदालत काठमाडौंले गोङ्गबु हत्याकाण्डकी प्रमुख कल्पना मुडभरी पौडेललाई आजीवन जेल सजाय सुनाइएको छ ।
अदालतले गोङ्गबु हत्याकाण्डकी अभियुक्त कल्पनालाई प्रमुख अपराधी ठहर गर्दै आजीवन जेल सजाय सुनाएको हो ।
गत साउन २५ गते गोङ्गबुमा कृष्ण बहादुर बोहराको घाँटी रेटी हत्या गरेर सुटकेशमा हाली खोलामा फालिएको अवस्थामा शव भेटिएको थियो ।
उक्त घटनामा संलग्न रहेकी कल्पनालाई फागुन १३ गते जिल्ला अदालत काठमाडौँले आजीवन जेल सजाय सुनाएको हो ।
न्यायाधीश राजेन्द्र अधिकारीको इजलासले कल्पनालाई जीवनभर जेलको सजाय सुनाएको छ भने उनकी छोरीलाई सफाइ दिएको छ ।
साथै मृतक कृष्णबहादुर बोहराको परिवारलाई राज्यकोषबाट ५५ हजार रुपैयाँ राहत उपलब्ध गराउने आदेश दिइएको जिल्ला अदालत काठमाडौंका श्रेष्तेदार भीम बहादुर निरौलाले बताए ।
Leave a Reply