काठमाडौं । नेपाल कम्युनिष्ट पार्टी (नेकपा) प्रचण्ड-माधव समूहले हितविपरीत गतिविधि गर्ने दलको नेता तथा उपनेतालगायतलाई हटाउने घोषणा गरेको छ ।
पार्टी कार्यालय पेरिसडाँडामा बुधबार बसेको केन्द्रीय समिति बैठकबाट पार्टीले उक्त निर्णय गरेको हो ।
बैठकलाई सम्बोधन गर्दै अध्यक्ष प्रचण्डले नेपाली जनताको बल, संघर्ष र बलिदानीबाट प्राप्त उपलब्धिलाई आफूहरुले गुम्न नदिने बताए । आफूहरुले ओलीविरुद्धको लडाइँका क्रममा सर्वोच्चमा परेको मुद्दा जितेको बताउँदै र निर्वाचन आयोगले पनि आफूहरुलाई नै आधिकारिकता दिने दावी गरे ।
‘सर्वोच्चको निर्णय हो हाम्रो पक्षमा आयो । निर्वाचन आयोगमा रहेको विवाद पनि जित्ने चरणमा छौँ’ उनले भने, ‘एउटा ब्याटल जित्यौँ, अर्को पनि जित्ने चरणमा छौँ ।’
Leave a Reply