रौतहट । नेपाली कांग्रेसका सभापति शेर बहादुर देउवाले पूर्वसांसद मोहम्मद आफताब आलमलाई छुटाउन पहल गरिरहेको बताएका छन् ।
बुधबार गढीमाई नगरपालिका –६ सिंगारमनमा आयोजित विष्णु महायज्ञको उद्घाटन गर्दै सभापति देउवाले इँटाभट्टामा जिउँदै मानिस जलाएर मारेको अभियोगमा जेलमा रहेका निलम्बित सांसद आलमलाई छुटाउन आफूले पहल गरिरहेको बताएका हुन् ।
सभापति देउवाले पूर्वसांसद मोहम्मद आफताब आलमको मुद्दा अहिलेपनि अदालती प्रक्रियामा रहेकाको र आफुलेअदालती प्रक्रियाबाटै उहाँलाई छुटाउन प्रयासरत रहेको बताएका छन्।
अर्को प्रसङ्गमा उनले देशबाट अहिले कोरोना पूर्णरुपमा समाप्त नभएकाले विज्ञको सल्लाहअनुसार अनिवार्य मास्कको प्रयोग गर्न र सामाजिक दूरी कायम राख्न सबैलाई आग्रह समेत गरे । पूर्वप्रधानमन्त्री देउवालाई नगर प्रमुख श्यामबाबुु यादवलगायतले स्वागत गरेका थिए ।
Leave a Reply