सप्तरी। जिल्लामा एक वर्षअघि भएको बलात्कार घटनाका आरोपित आज पक्राउ परेका छन्।

पक्राउ पर्नेमा खडक नगरपालिका–७ कल्याणपुरका २५ वर्षीय एक युवक रहेको प्रहरीले जनाएको छ ।

एक्काइस वर्षीया युवतीलाई बलात्कार गरेको आरोपमा फरार उनलाई इलाका प्रहरी कार्यालय कल्याणपुरले पक्राउ गरी जिल्ला प्रहरी कार्यालय ल्याएको छ ।

उनीमाथि आवश्यक कारवाही प्रक्रिया अगाडि बढाइएको जिल्ला प्रहरी कार्यालयका प्रहरी नायब उपरीक्षक भुवनेश्वरप्रसाद साहले बताए ।

खडक–६ स्थित पूर्वपश्चिम राजमार्गमा रहेको आँपका बगैँचामा विसं २०७६ फागुन १० गते आरोपितले बलात्कार गरेको पीडितले बताएकी छिन् ।