काठमाडौँ । प्रधानमन्त्री केपी शर्मा ओलीले आज कोरोना भाइरसविरुद्धको खोप लगाउने भएका छन् ।

प्रधानमन्त्री ओलीले बिहान १० बजे त्रिवि शिक्षण अस्पतालमा खोप लगाएर दोस्रो चरणको खोप अभियान सुरु गर्ने भएका हुन् । प्रधानमन्त्री ओलीले भारतबाट ल्याइएको कोभ्याक्स नै लगाउने छन् ।

स्वास्थ्य तथा जनसंख्या मन्त्रालयले आजदेखि ६५ वर्षमाथिका नागरिकलाई खोप दिएर दोस्रो चरणको खोप अभियान सुरु गर्दैछ ।

स्वास्थ्य तथा जनसंख्या मन्त्रालयका अनुसार आजै भारतबाट कोभ्याक्सको तीन लाख ४८ हजार डोज खोप ल्याइने भएको छ ।