दैलेख । कर्णाली नदीमा हात बाँधिएको अवस्थामा दिदी बहिनीको शव फेला परेको छ ।

दैलेखको आठवीस नगरपालिकाको राकम कर्णालीस्थित साईखोला नजिकै कर्णाली नदीमा पानीमा डुबिरहेको अवस्थामा उनीहरुको शव स्थानीयले फेला पारेका हुन् ।

आठवीस नगरपालिका ३ निमायलका मानसिंह बडुवालकी छोरीहरु १६ वर्षीया कल्पना बडुवाल र १२ वर्षीया सरिता बडुवालको शव फेला परेको हो ।

इलाका प्रहरी कार्यालय राकमका प्रहरी सहायक निरीक्षक गोविन्द ढकालका अनुसार बडुवालकी श्रीमतीसहित तीन छोरी र एक छोरा सोमबार दिउँसो दुई बजे घरबाट निस्किएका थिए ।

मानसिंहले प्रहरीमा दिएको जानकारी अनुसार घरायसी विवाद हुँदा छोरा र छोरीसहित श्रीमती घरबाट निस्किएका थिए । यसबारे प्रहरीले अनुसन्धान थालेको छ ।