काठमाडौँ। प्रधानमन्त्री केपी शर्मा ओलीलाई शौचालयको उद्घाटन गर्न निम्ता दिने लेखक खगेन्द्र संग्रौला अहिले फेरि माओवादी केन्द्रका अध्यक्ष पुष्पकमल दाहाल ‘प्रचण्ड’माथि खनिएका छन् ।

बिहीबार बिहान सामाजिक सञ्जालमा ट्वीट गर्दै संग्रौलाले प्रचण्डले पार्टीको आदर्श र एजेन्डा प्रधानमन्त्री ओलीको चरणमा अर्पण गरेको भन्दै व्यङ्ग्यात्मक रुपमा दाहालमाथि खनिएका हुन् ।

ट्वीटरमा उनले लेखेका छन्, ‘दाहाल सरले पार्टी,आदर्श र एजेन्डा ओली सरका चरणमा अर्पण गर्दा दस वर्ष प्रधानमन्त्री भएर अमरत्त्व प्राप्त गर्ने सपना देखेका थिए, अहिले आफ्नो महलका बादल, लेखराज, टोपे, मणि, प्रभु र गौरीशङ्करलाई ओली सरका तबेलामा छाडेर हारेको जुवाडेझैँ हताश भएर पाखा लागे । कठै, पीँधविनाका लोटाको दुःख !’

दाहाल सरले पार्टी,आदर्श र एजेन्डा ओली सरका चरणमा अर्पण गर्दा दस वर्ष प्रधानमन्त्री भएर अमरत्त्व प्राप्त गर्ने सपना देखेका थिए,अहिले आफ्नाे महलका बादल,लेखराज,टाेपे,मणि,प्रभु र गाैरीशङ्करलाई ओली सरका तबेलामा छाडेर हारेकाे जुवाडेझैँ हताश भएर पाखा लागे। कठै,पीँधविनाका लाेटाकाे दुःख!

— Khagendra Sangroula (@belakoboli) March 11, 2021