जर्मन बुण्डेसलिगामा बायर्न म्युनिख विजयी

जर्मन बुण्डेसलिगामा बायर्न म्युनिख विजयी

अनलाइन नेपाल
  • आइतबार, चैत्र १ २०७७

  • 1.4K
    SHARES

  • जर्मन बुण्डेसलिगामा बायर्न म्युनिख विजयी

    एजेन्सी । जर्मन बुण्डेस लिगा फुटबलमा बायर्न म्युनिख विजयी भएको छ ।

    लिगअन्तर्गत शनिबार राति भएको खेलमा बायर्न म्युनिखले वेर्डर ब्रेमेनलाई ३–१ गोलले पराजित गरेको हो । रोबर्ट लेवान्डोस्कीले जर्मन बुण्डेस लिगा फुटबलमा सर्वाधिक गोलकर्ताको सूचिमा दोस्रो स्थानको कीर्तिमानमा बराबरी गरे ।

    बायर्नको जितमा गोरेट्ज्काले खेलको २२ औँ, ग्नाब्रीले ३५ औँ तथा लेवान्डोस्कीले ६७ औँ मिनेटमा गोल गरेका हुन् । ब्रेमेनका लागि ८५ औँ मिनेटमा फुल्क्रुगले एक गोल फर्काएका हुन् ।

    लेवान्डोस्कीले लिगमा यो सिजन ३२ गोल गरिसकेका छन् । बुण्डेस लिगामा लेवान्डोस्कीले २६८ गोल गरेका छन् । उनले दोस्रो स्थानमा रहेका क्लाउस फिस्चरसँगको कीर्तिमानमा बराबरी गरेका हुन् ।

    बुण्डेस लिगामा सर्वकालिन सर्वाधिक गोल गर्ने खेलाडी गेर्ड मुलरले ३६५ गोल गरेका छन् ।

    अनलाइन नेपालमा प्रकाशित समाचारको बारेमा कुनै प्रतिक्रिया, सुझाव तथा सूचना दिनुपरेमा [email protected] मा पठाउनुहोला । निरन्तर समाचारको लागी हामीसँग फेशबुक तथा ट्वीटरमा जोडिन सक्नुहुनेछ ।

    प्रतिक्रिया

    सम्बन्धित समाचार