सिआईबीद्वारा बैंकिङ कसूर मुद्दाका फरार अभियुक्त पक्राउ

सिआईबीद्वारा बैंकिङ कसूर मुद्दाका फरार अभियुक्त पक्राउ

अनलाइन नेपाल
  • सोमबार, चैत्र २ २०७७

  • 5K
    SHARES

    सिआईबीद्वारा बैंकिङ कसूर मुद्दाका फरार अभियुक्त पक्राउ

    काठमाडौँ। नेपाल प्रहरीको केन्द्रीय अनुसन्धान व्यूरो (सिआईबी)ले बैंकिङ कसूर मुद्दाका फरार अभियुक्तलाई  पक्राउ गरेको छ।

    पक्राउ पर्नेमा काठमाडौं महानगरपालिका-१६ बस्ने तार्केश्वर नगरपालिका-३ जितपुर फेदी घर भएका ५७ वर्षीय विजय कुमार श्रेष्ठ रहेका छन् । उनलाई सोमबार पक्राउ गरिएको सिआईबीले जनाएको छ।



    उच्च अदालत पाटनको २०७७ माघ २ गतेको फैसलाले बैंकिङ कसूर मुद्दामा ३ दिन कैद र विगो बमोजिम ९ लाख ५० हजार रुपैयाँ जरिवाना ठहर भई फरार रहेका उनलाई सिआईबीले काठमाडौं काभ्रेस्थलीमा लुकीछिपी बसिरहेको अवस्थामा फेला पारी पक्राउ गरेको हो ।

    विजय कुमारले २०७७ असार १५ गते आफ्नो खातामा पर्याप्त मौज्दात रकम नभएको भन्ने जानी जानी झुक्यानमा पारी कुमारी बैंक लिमिटेड, शाखा कार्यालय गोंगबुमा रहेको उनकै खाताबाट भुक्तान हुने गरी चेक काटी पीडितलाई दिएको घटनामा बैंकिङ कसूरजन्य अपराध ठहर गरी उच्च अदालत पाटनले उक्त कैद तथा विगो बमोजिम उक्त रुपैयाँ जरिवाना ठहर गरेको थियो ।

    उनलाई फैसला कार्यान्वयनको लागि काठमाडौं जिल्ला अदालतमा पेश गरिएको सिआईबीले जनाएको छ ।

    सम्बन्धित विषय

    अनलाइन नेपालमा प्रकाशित समाचारको बारेमा कुनै प्रतिक्रिया, सुझाव तथा सूचना दिनुपरेमा [email protected] मा पठाउनुहोला । निरन्तर समाचारको लागी हामीसँग फेशबुक तथा ट्वीटरमा जोडिन सक्नुहुनेछ ।

    प्रतिक्रिया

    सम्बन्धित समाचार