काठमाडौं । नेपालमा पछिल्लो २४ घण्टामा थप ८५ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयले पछिल्लो २४ घण्टामा ९३ जना कोरोनाबाट मुक्त भएका छन् भने थप ३ जनाको ज्यान गएको जनाएको छ ।

योसँगै नेपालमा संक्रमितको संख्या २ लाख ७६ हजार ७ सय ५० पुगेको छ भने कोरोनाबाट मृत्यु हुनेको संख्या ३ हजार २७ पुगेको छ ।

मन्त्रालयका अनुसार हालसम्म २ लाख ७२ हजार ४ सय ३५ जना संक्रमणमुक्त भएका छन् ।

मन्त्रालयले जनाए अनुसार हालसम्म १ हजार २ सय ८८ जना आइसोलेसनमा र ५९ जना क्‍वारेन्टाइनमा रहेको मन्त्रालयले जनाएको छ ।

हालसम्म नेपालमा २२ लाख ५९ हजार ४५ पीसीआर परीक्षण भएको पनि मन्त्रालयको तथ्यांकमा उल्लेख छ ।