काठमाडौं। महानगरीय प्रहरी परिसर काठमाडौँले नेपाल राष्ट्र बैंकको केन्द्रीय कार्यालय बालुवाटारमा कार्यरत महिला अधिकृतलाई पक्राउ गरेको छ।

पक्राउ पर्नेमा बैंककी शाखा अधिकृत सुष्मा रिजाल रेग्मी रहेकी छिन् ।

ज्येष्ठ नागरिकसम्बन्धी कसुरमा सुष्मालाई पक्राउ गरिएको महानगरीय प्रहरी परिसर काठमाडौंका प्रहरी प्रमुख एसएसपी अशोक सिंहले जानकारी दिए ।

सिंहका अनुसार सुष्मालाई ८५ वर्षीय आमाको सम्पती हिनामिना गरेको र भुपेन्द्रप्रसाद रिजालको नाममा रहेको माछापुच्छ्रे बैंकको खातामा रहेको रकम र लकरमा रहेको सुनचाँदी समेत अनधिकृत रुपमा निकालेको दावी छ ।

यस्तै सृजना फाइन्‍नास र अरनिको सहकारीमा भएको रकम झुक्याएर निकालेको प्रहरीले जनाएको छ ।