काठमाडौं। महानगरीय प्रहरी परिसर काठमाडौंले जुसमा नशालु पदार्थ मिसावट गरी लुटपाट गर्ने गिरोहका नाइकेलाई पक्राउ गरेको छ।

पक्राउ पर्नेमा सिन्धुपाल्चोकको चौतारा साँगाचौक गढी नगरपालिका वडा नम्बर ६ घर भई हाल भक्तपुर ढुन्चेपाखा हाईट बस्ने ३५ वर्षीय अर्जुन बहादुर केसी रहेका छन्।

केसी जग्गाको काम गर्ने तथा पिसहोम नेपाल सुधार केन्द्र बनेपा पनौतिमा कार्यरत रहेका छन् । उनलाई प्रहरीले सुन्धाराबाट पक्राउ गरेको जनाएको छ ।

काठमाडौं प्रहरीका प्रवक्ता एसपी रमेश बस्नेतका अनुसार केसीले विगत २ वर्षदेखि काठमाडौं, ललितपुर र भक्तपुरका विभिन्न ठाँउहरुमा जुसमा नशालु पदार्थ मिसावट गरी अचेत पारेर धनमाल लुटपाट गर्दै आएका थिए ।