चितवनमा युनियनका अधिकारीको प्यानल बिजयी, झापामा ओली समुहका पत्रकार पराजित

चितवनमा युनियनका अधिकारीको प्यानल बिजयी, झापामा ओली समुहका पत्रकार पराजित

अनलाइन नेपाल
  • बिहिबार, चैत्र २६ २०७७

  • 2.1K
    SHARES

  • चितवनमा युनियनका अधिकारीको प्यानल बिजयी, झापामा ओली समुहका पत्रकार पराजित

    चितवन। नेपाल पत्रकार महासंघ चितवनमा  नारायण अधिकारीको प्यानल बिजयी भएको छ।  अधिकारी नेपाल प्रेस युनियनका उम्मेदवार हुन।

    नेपाल प्रेस युनियन चितवनले २४ बर्षपछि पत्रकार महासंघमा नेतृत्व पाएको छ ।  अधिकारीलाई प्रचन्ड- माधव पक्षका पत्रकारहरुको समर्थन रहेको थियो।

    निर्वाचनमा कुल २६६ मत खसेको थियो । अध्यक्ष पदमा निर्वाचित अधिकारीले कुल १४६ मत प्राप्त गरेका छन् । अध्यक्ष पदमा अधिकारीसँगै तिलकप्रसाद रिमाल र सूर्यप्रकाश कँडेलले पनि उम्मेदवारी दिएका थिए । रिमालले ११२ मत ल्याएका छन् भने कँडेलले ४ मत प्राप्त गरेका छन् ।

    त्यसैगरी उपाध्यक्षतर्फ प्रकाशमणि ज्ञवाली विजयी भएका छन् । महिला उपाध्यक्षमा प्रमिता ढकाल विजयी भएकी छन् । सचिवमा दीपेन्द्र अधिकारी, कोषाध्यक्षमा राजेन्द्र आचार्य र सहसचिवमा आनन्द पोखरेल विजयी भएका छन् ।

    त्यस्तै समावेशी सहसचिवतर्फ उर्गेन तामाङ विजयी भएका छन् ।

    पत्रकार महासंघ झापा शाखामा एकराज गिरी नेतृत्वको संयुक्त प्यानलले बर्चस्व कायम गरेको छ ।

    नेपाल प्रेस युनियन, प्रेस संगठन नेपाल, मिडिया नेपाल र स्वतन्त्र पत्रकारहरूको संयुक्त प्यानलले २० पदमध्ये १६ पदमा विजय हासिल गरेको हो ।

    अध्यक्षमा संयुक्त प्यानलका एकराज गिरी निर्वाचित भएका छन् । प्रेस युनियनका गिरीले १५५ मत ल्याए । उनका प्रतिद्वन्द्वी ओली निकट प्रेस चौतारीका विशाल नेम्वाङले ७४ मत प्राप्त गरे भने नेपाल–खनाल निकट प्रेस चौतारीका तिर्थ सिग्देलले २६ मत ल्याए ।

    सम्बन्धित विषय

    अनलाइन नेपालमा प्रकाशित समाचारको बारेमा कुनै प्रतिक्रिया, सुझाव तथा सूचना दिनुपरेमा [email protected] मा पठाउनुहोला । निरन्तर समाचारको लागी हामीसँग फेशबुक तथा ट्वीटरमा जोडिन सक्नुहुनेछ ।

    प्रतिक्रिया

    सम्बन्धित समाचार