एजेन्सी । इंग्लिस प्रिमियर लिग फुटबल अन्तर्गत शुक्रबार राति भएको खेलमा टोटनह्याम बराबरीमा रोकिएको छ ।

अवे मैदानमा भएको खेलमा सुरुवाति अग्रता लिएर पनि टोटनह्यामले त्यसलाई जोगाउन सकेन । एभर्टनसँग २–२ गोलको बराबरी खेल्ने क्रममा टोटनह्यामका लागि २७ र ६८ औँ मिनेटमा ह्यारी केनले गोल गरेका हुन् ।

एभर्टनका लागि खेलको ३१औँ र ६२औँ मिनेटमा जी सिगुर्डसनले गोल गरेका हुन् । बराबरीपछि ३२ खेलबाट ५० अंकसहित टोटनह्याम सातौँ तथा ३१ खेलबाट ४९ अंकसहित एभर्टन आठौँ स्थानमा छ ।

टोटनह्यामका लागि दुई गोल गरेका ह्यारी केन खेलको अन्तिम समयमा चोटग्रस्त भए । इन्जुरी समयमा उनको गोली गाँठोमा समस्या देखिएको हो ।