काठमाडौं । नेपाली बजारमा आज सुनको मूल्य ह्वात्तै बढेको छ ।

हिजो ९० हजार ७०० रुपैयाँमा कारोबार भएको सुनको मूल्य आज एकै दिन तोलामा १ हजार ३०० रुपैयाँले बढेर ९२ हजार पुगेको छ।

नेपाल सुन चाँदी व्यवसायी महासंघका अनुसार आज छापावाला सुनको मूल्य प्रतितोला ९२ हजार रुपैयाँ कायम भएको छ भने तेजाबी सुनको मूल्य ९१ हजार ५०० रुपैयाँ कायम भएको छ ।

यस्तै, चाँदीको मूल्य पनि प्रतितोला १० रुपैयाँले बढेको छ ।

हिजो प्रतितोला एक हजार ३०० रुपैयाँमा कारोबार भएको चाँदी मूल्य आज १० रुपैयाँले बढेर प्रतितोला एक हजार ३१० रुपैयाँ कायम भएको महासंघले जनाएको छ।