श्रीमतीको हत्या गरेर श्रीमान फरार

श्रीमतीको हत्या गरेर श्रीमान फरार

अनलाइन नेपाल
  • बिहिबार, बैशाख ९ २०७८

  • 1.4K
    SHARES

  • श्रीमतीको हत्या गरेर श्रीमान फरार प्रतिकात्मक तस्विर

    वीरगञ्‍ज । बारामा एक महिलाको आफ्नै घरमाम हत्या भएको छ । आफ्नै घरको दोस्रो तल्लाको बरण्डामा उनको शव भेटिएपछि उनको हत्या भएको हुनसक्ने प्रहरीले जनाएको छ ।

    जीतपुर सिमरा उपमहानगरपालिका–३ छिमेक बैंक टोल बस्ने ५० वर्षीया पार्वती कार्कीको हत्या भएको हो ।

    शव नजिकै इँट्टा भेटिनु तथा निधार र टाउकोमा गह्रौं वस्तुले हानेको जस्तो चोट देखिंनु, घटनापछि महिलाका श्रीमान फरार हुनु र मृतकका छोराहरुले बुबा र आमाबीच प्राय झगडा भइरहने बताउनुले महिलाको हत्या भएको हुनसक्ने प्रहरीको अनुमान छ ।

    प्रहरीसमक्ष मृतकका छोराहरुले बुधबार राति पनि बाबुआमाबीच विवाद भएको र बिहान माथिल्लो तलामा हेर्न जाँदा आमा मृत अवस्थामा देखिएको बताएका छन् ।

    इलाका प्रहरी कार्यालय सिमराका प्रमुख प्रहरी नायब उपरीक्षक दीपक श्रेष्ठ सहितको टोली घटना स्थलमा पुगेर अनुसन्धान थालिसकेको छ ।

    कार्कीका श्रीमान हत्या गरेर भागेको हुनसक्ने आशंकामा प्रहरीले उनको खोजी गरिरहेको जनाएको छ ।

    सम्बन्धित विषय

    अनलाइन नेपालमा प्रकाशित समाचारको बारेमा कुनै प्रतिक्रिया, सुझाव तथा सूचना दिनुपरेमा [email protected] मा पठाउनुहोला । निरन्तर समाचारको लागी हामीसँग फेशबुक तथा ट्वीटरमा जोडिन सक्नुहुनेछ ।

    प्रतिक्रिया

    सम्बन्धित समाचार