काठमाडौं । पछिल्लो २४ घण्टामा देशभर थप ५ हजार ७६३ जनामा कोरोना भाइरस (कोभिड–१९) को संक्रमण पुष्टि भएको छ । संक्रमितमध्ये अधिकांश उपत्यकाका रहेका छन् । १४ हजार ४०३ जनाको पीआर परीक्षण र ५६६ नमुनाको एन्टीजेन परीक्षण गर्दा क्रमश ५ हजार ७०६ जना र ५७ जनामा कोरोना भाइरस संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
योसँगै नेपालमा कोरोना संक्रमितको कुल संख्या ३ लाख २८ हजार ८९३ पुगेको छ । जसमध्ये ४३ हजार २१३ जना सक्रिय संक्रमित छन् । उनीहरुमध्ये ४० हजार १०३ जना हाम आइसोलेसनमा रहेका छन् भने ३ हजार ११० जना संस्थागत आइसोलेसनमा रहेका छन् । यस्तै ४०१ जनाको आईसीयू र ११० जनाको भेन्टिलेटरमा उपचार भइरहेको छ ।
यस्तै पछिल्लो २४ घण्टामा थप १९ जना कोरोना संक्रमितको मृत्यु भएको छ । नेपालमा कोरोना संक्रमणबाट मृत्यु हुनेको संख्या ३ हजार २९८ पुगेको छ । मन्त्रालयका अनुसार पछिल्लो २४ घण्टामा थप १ हजार २८७ जना निको भएका छन् । योसँगै हालसम्म कोरोना संक्रमणमुक्त हुने २ लाख ८२ हजार ३८२ जना पुगेको मन्त्रालयले जनाएका छन् ।
पछिल्लो २४ घण्टामा थपिएका संक्रमितमध्ये २ हजार ४९५ जना काठमाडौं उपत्यकाका छन् । मन्त्रालयका अनुसार काटठमाडौंमा १ हजार ९३२, ललितपुरमा ३५५ र भक्तपुरमा २०८ जनामा कोरोना संक्रमण देखिएको छ ।
पछिल्लो समयमा थपिएकाहरुमध्ये सबैभन्दा बढि ३०–३९ वर्ष समूहका १४४१ जना रहेका छन् भने सबैभन्दा कम ९०–१०० वर्ष समूहका ८ जना रहेका छन् । त्यसैगरी ९ वर्षसम्मका संक्रमित बालबालिकाको संख्या १०३ रहेको मन्त्रालयले जनाएको छ ।
कुन उमेर समूहका कति संक्रमित ?
Leave a Reply