काठमाडौं । पछिल्लो २४ घण्टामा देशभर थप ८ हजार ४१८ जनामा कोरोना संक्रमण पुष्टि भएको छ भने ५३ जनाको मृत्यु भएको छ । स्वास्थ्य तथा जनसंख्या मन्त्रालयका अनुसार १७ हजार ३१५ नमुनाको पीसीआर परीक्षण गर्दा ८ हजार २८७ जना र ९८९ जनाको एन्टिजेन परीक्षण गर्दा १३१ जनामा कोरोना भाइरस (कोभिड–१९) को संक्रमण देखिएको हो ।

पछिल्लो २४ घण्टामा थपिएका संक्रमितमध्ये ३ हजार ११३ जना काठमाडौं उपत्यकाका हुन् । जसमा काठमाडौंका २ हजार २७०, ललितपुरका ४६२ र भक्तपुरका ३८१ संक्रमित छन् ।

योसँगै नेपालमा सक्रिय कोरोना संक्रमितको संख्या ३ लाख ८५ हजार ८९० जना पुगेको छ भने सक्रिय संक्रमितको संख्या ३ हजार ४९३ पुगेको छ । त्यस्तै मृतकको संख्या ३ हजार ६३२ पुगेको छ । पछिल्लो २४ घण्टामा ३ हजार ३७० जना कोरोना संक्रमणमुक्त भएका छन् । योसँगै नेपालमा कोरोना संक्रमणमुक्त हुनेको संख्या २ लाख ९८ हजार ७६५ पुगेको छ ।

मन्त्रालयका अनुसार सक्रिय संक्रमितमध्ये ७८ हजार १८ जना होम आइसोलेसनमा रहेका छन् भने ५ हजार ४७५ जना संस्थागत आइसोलेसनमा रहेका छन् । ७५८ जना संक्रमितको आईसीयू र २३१ जनाको भेन्टिलेटरमा उपचार भइरहेको पनि मन्त्रालयले जनाएको छ ।