काठमाडौं । नेपाल कम्युनिष्ट पार्टी (नेकपा) माओवादी केन्द्रले प्रधानमन्त्री केपी शर्मा ओलीलाई विश्वासको मत नदिने निर्णय गरेको छ ।

आजको माओवादी संसदीय दलको बैठकले विश्वासको मत माग्ने प्रधानमन्त्रीको प्रस्तावको विपक्षमा मत हाल्ने र यो अधिवेशनलाई अविश्वासको प्रस्तावसम्म पुर्‍याउने निर्णय गरेको माओवादीका एक सांसदले जानकारी दिए।

‘आज हाम्रो तर्फबाट अविश्वास प्रस्ताव दर्ताको तयारी छ । तर परिस्थिति के हुन्छ, सदनमा प्रधानमन्त्री कसरी प्रस्तुत हुनुहुन्छ हेरौं,’ ती सांसदले भने।

संसदका अनुसार माओवादीले प्रधानमन्त्रीको राजीनामा नआए अविश्वासको प्रस्ताव दर्ता गर्ने तयरी गरेको छ।

आज दिउँसो १ बजे प्रतिनिधिसभा बैठकमा प्रधानमन्त्री ओलीले विश्वासको मत लिँदै छन्। अहिलेसम्मको राजनीतिक समीकरणलाई हेर्ने हो भने ओलीले विश्वासको मत गुमाउने पक्का जस्तै देखिएको छ।