काठमाडौँ। नेपाली कांग्रेसका नेता गगनकुमार थापाले प्रधानमन्त्री केपी शर्मा ओलीलाई अरू सबै कुरा छाडेर अक्सिजनको व्यवस्थापन गर्न आग्रह गरेका छन्।

पूर्व स्वास्थ्यमन्त्री समेत रहेकाथापाले अक्सिजनको अभावमा कोरोना संक्रमित बिरामी र उनीहरूका आफन्तले दुस्ख पाएको उल्लेख गर्दै अक्सिजन आपूर्ति तथा वितरणको गाँठो फुकाउनसमेत प्रधानमन्त्रीलाई आग्रह गरेका छन्।

मंगलबार सामाजिक सञ्जालमार्फत् एक भिडिओ संदेश जारी गर्दै थापाले जनताको जीवन जोगाउन तत्काल पहल गर्न अनुरोधसमेत गरेका छन्।

. @PM_Nepal ज्यू,अक्सिजनको अभावमा बिरामी र तिनका आफन्तको छटपटी अनि  अस्पतालहरू अत्तालिएर सेवा नै बन्द गर्न परेको हृदय विदारक अवस्था छ।कृपया यसलाई मनन गरेर अक्सिजन आपूर्ति र  वितरणको गांठो फुकाउन र जनताको जीवन जोगाउन तत्काल पहल गर्न विनम्र अनुरोध गर्दछु। pic.twitter.com/9sP0YBj38S

— Gagan Thapa (@thapagk) May 11, 2021