खाद्यान्न पसल विहान १० बजेसम्म खोल्न पाइने, पार्टी प्यालेस बन्द

खाद्यान्न पसल विहान १० बजेसम्म खोल्न पाइने, पार्टी प्यालेस बन्द

अनलाइन नेपाल
  • मंगलबार, बैशाख २८ २०७८

  • 7.5K
    SHARES

    खाद्यान्न पसल विहान १० बजेसम्म खोल्न पाइने, पार्टी प्यालेस बन्द

    काठमाडौं । उपत्यकामा १५ दिन निषेधाज्ञा थप गर्दै पहिले भन्दा अझै कडा बनाउने निर्णय गरिएको छ । उपत्यकाका काठमाडौं, ललितपुर र भक्तपुरका प्रमुख जिल्ला अधिकारी (सीडीओ) को बैठकले निषेधाज्ञा जेठ १३ गतेसम्म थप गर्ने निर्णय गरेको हो । त्यस्तै आजको बैठकले राष्ट्रिय प्राथमिकताप्राप्त विकास आयोजनाबाहेकका सबै निर्माण कार्य पनि रोक्ने निर्णय भएको छ ।

    काठमाडौंका सीडीओ कालीप्रसाद पराजुली अनुसार बैठकले अबदेखि पार्टी प्यालेसमा विवाह, ब्रतबन्ध र भोजजस्ता कार्यक्रम पनि रोक्ने र यस्ता कार्यक्रम घरमा गर्दा पनि १० जना भन्दा बढी सहभागी हुन नपाइने निर्णय गरेको छ। अब यस्ता कार्य थोरै व्यक्तिको सहभागितामा घरमै भेला भएर गर्न पराजुलीले आग्रह गरेका छन् ।



    त्यसैगरी उपत्यकामा अब विहान १० बजेसम्म किराना पसल र डिपार्टमेन्ट स्टोर खोल्न दिने निर्णय भएको छ । ९ बजेसम्म मात्र खोल्न दिँदा भीडभाड बढेको हुनाले १० बजेसम्म खोल्न दिने निर्णय भएको उनको भनाइ छ ।

    यसअघि सरकारले गत वैशाख १६ गतेदेखि कोरोना भाइरस संक्रमणको चेन ब्रेक गर्न भन्दै काठमाडौँ उपत्यकाका जिल्लालगायत अन्य बाहिरी जिल्लाहरुमा समेत निषेधाज्ञा जारी गरिएको थियो।

    सम्बन्धित विषय

    अनलाइन नेपालमा प्रकाशित समाचारको बारेमा कुनै प्रतिक्रिया, सुझाव तथा सूचना दिनुपरेमा [email protected] मा पठाउनुहोला । निरन्तर समाचारको लागी हामीसँग फेशबुक तथा ट्वीटरमा जोडिन सक्नुहुनेछ ।

    प्रतिक्रिया

    सम्बन्धित समाचार