काठमाडौँ। गण्डकी प्रदेशसभा सदस्य एवं राष्ट्रिय जनमोर्चा पार्टीका संसदीय दलको नेता कृष्ण थापालाई दलको नेताबाट हटाइएकोमा प्रधानमन्त्री केपी शर्मा ओलीका प्रेस सल्लाहकार सुर्य थापाले आपत्ति जनाएका छन्।

थापालाई आज बसेको पार्टीको निर्णय अनुसार गठबन्धनको पक्षमा हस्ताक्षर गर्न नमानेपछि दलको नेताबाट हटाईएको राजमोकी सचेतक पियारी थापाले बताएकी थिइन्।

आफुलाई दलको नेताबाट हटाईसकेपछि बाग्लुङ पुगेका थापाले एक बिज्ञप्ति सार्वजनिक गर्दै गैरकानुनी रुपमा कारवाही गरिएको भन्दै हालको सरकार निर्माण प्रक्रियामा तटस्थ बस्ने बताएका छन्।

यी सबै गतिबिधि काठमाडौँबाट नियालेका एमालेका नेता थापाले राजमोको निर्णय र कृष्ण थापाको विज्ञप्तिलाई सामाजिक संजालमा स्थान दिँदै सचेत पियारीले थापालाई हटाउन नौटंकी गरेको आरोप लागेका छन्।

‘खसीको टाउको देखाएर कुकुरको मासु बेच्ने थलो’मा देखाइएको चित्रकथा ! भन्दै बाग्लुङ बाट थापाले भण्डाफोर गरेको उल्लेख गरेका छन्।

सामाजिक संजाल ट्वीटरमा ट्वीट गर्दै सल्लाहकार थापाले उक्त जनमोर्चाले गरेको निर्णय गैरकानुनी भएको टिप्पणी समेत गरेका छन्।

"खसीकाे टाउकाे देखाएर कुकुरकाे मासु बेच्ने थलाे"मा देखाइएको चित्रकथा !
कृष्णबहादुर थापाले बागलुङबाट गरे- भण्डाफाेर! सचेतक प्यारीले नेता कृष्ण थापालाई हटाउन गरेकाे अनाधिकृत र गैरकानुनी पत्राचार- यस्ताे नाैटंकी पनि देखियाे ! काँग्रेसकाे सेवा गर्न चित्रबहादुरले यस्तो के गरेका बरै? pic.twitter.com/7QkY283C8V

— Surya Thapa (@ThapajiSurya) May 12, 2021