स्याङ्जा । नेपाली कांग्रेस स्याङ्जाका महासमिति सदस्य, पूर्व जिल्ला कोषाध्यक्ष गजिन्द्रप्रकाश मल्लको कोरोना भाइरस संक्रमणबाट निधन भएको छ ।

जिल्लास्थित पार्टीका कार्यवाहक सभापति कुमार रानाका अनुसार विगत दुई वर्षदेखि अस्वस्थ रहेका मल्ललाई कोरोना पोजेटिभ भएपछि उपचारका लागि पोखराको गण्डकी मेडिकल कलेजमा भर्ना गरिएको थियो । तर, उनको आज बिहान उपचारकै क्रममा निधन भएको रानाले जानकारी दिए।

डेढ वर्षअघि क्यान्सर रोगलाई समेत जितेका मल्ल ७३ बर्षका थिए ।

मल्लका गण्डकी प्रदेश सांसद भागवतप्रकाश मल्लसहित ३ छोरा, श्रीमती र एक छोरी छन् ।