ओलीलाई ठुलो धक्का, नागरिकता अध्यादेश कार्यान्वयन नगर्न सर्वोच्चको आदेश

ओलीलाई ठुलो धक्का, नागरिकता अध्यादेश कार्यान्वयन नगर्न सर्वोच्चको आदेश

अनलाइन नेपाल
  • बिहिबार, जेष्ठ २७ २०७८

  • 1.1K
    SHARES

    ओलीलाई ठुलो धक्का, नागरिकता अध्यादेश कार्यान्वयन नगर्न सर्वोच्चको आदेश

    काठमाडौँ। सर्वोच्च अदालतले नागरिकतासम्बन्धी अध्यादेश तत्काल कार्यान्वयन नगर्न आदेश जारी गरेको छ ।

    आज बसेको संवैधानिक इजलासले यस प्रकारको विषय संसदबाटै विधेयक पारित भई ऐनबाटै हुनुपर्ने भन्दै सरकारले हालै जारी गरेको अध्यादेश कार्यान्वयनमा रोक लगाएको हो ।



    प्रधानन्यायाधीश चोलेन्द्र शमशेर राणा नेतृत्वको संवैधानिक इजलासमा न्यायाधीशहरू दीपककुमार कार्की, मीरा खड्का, हरिकृष्ण कार्की र ईश्वरप्रसाद खतिवडा सहभागी थिए ।

    वरिष्ठ अधिवक्ता बोर्णबहादुर कार्की लगायतले दिएको रिटमाथि सुनुवाई गर्दै संवैधानिक इजलासले भनेको छ- सुविधा सन्तुलनको दृष्टिले हेर्दा अहिले नै अध्यादेश कार्यान्वयन गर्नुको औचित्य देखिन आएन तसर्थ नेपाल सरकार मन्त्रिपरिषदको  सिफारिस बमोजिम जेठ ९ मा सम्माननीय राट्रपतिबाट जारी गरिएको नेपाल नागरिकता अध्यादेश प्रस्तुत रिट निवेदनको अन्तिम किनारा नलागेसम्म कार्यान्वयन नगर्नु नगराउन यथास्थितिमा राख्नु भनि अन्तरिम आदेश जारी गरिएको छ।

    अदालतको उक्त आदेशपश्चात् प्रधानमन्त्री केपी शर्मा ओलीलाई ठुलो धक्का लागेको छ। ओलीले जसपाका नेताहरुलाई सरकारमा सहभागी गराउनकै लागि सो अध्यादेश ल्याएका थिए।

    सम्बन्धित विषय

    अनलाइन नेपालमा प्रकाशित समाचारको बारेमा कुनै प्रतिक्रिया, सुझाव तथा सूचना दिनुपरेमा [email protected] मा पठाउनुहोला । निरन्तर समाचारको लागी हामीसँग फेशबुक तथा ट्वीटरमा जोडिन सक्नुहुनेछ ।

    प्रतिक्रिया

    सम्बन्धित समाचार