Online Nepal
  • बिहिबार, १५ चैत्र २०८०
  • प्रधानमन्त्री ओलीमाथि हत्या सम्मको योजना बनेको महेश बस्नेतको दावी

    प्रधानमन्त्री ओलीमाथि हत्या सम्मको योजना बनेको महेश बस्नेतको दावी

    अनलाइन नेपाल
  • शनिबार, २९ जेष्ठ २०७८
  • 1.5K
    SHARES

    काठमाडौं। नेकपा एमालेका युवा नेता एवम् सांसद महेश बस्नेतले महात्मा गान्धिलाई जस्तै प्रधानमन्त्री केपी शर्मा ओलीलाई मार्ने षड्यन्त्र कतै कुनै कुनामा बनिरहेको त छैन भन्दै प्रश्न गरेका छन् । सांसद बस्नेतले प्रधानमन्त्री आलीमाथि कतै नेपाली कांग्रेसकै मिलिभगतमै त यस्तो षड्यन्त्र भइरहेको छैन भन्दै बागमती प्रदेशका सांसद नरोत्तम बैद्यप्रति आक्रोश पोखेका छन् ।

    नेपाली कांग्रेसका वाग्मती प्रदेशसभा सदस्य नरोत्तम वैद्यको अभिव्यक्तिलाई क्षणिक आक्रोशका रुपमा लिन नसकिने भन्दै उनले भने–‘वैद्यले संसदमा दिएको अभिव्यक्तिलाई आक्रोश मात्रै हो भन्न सकिन्न, सत्ताका लागि छटपटाएका तत्वले चुनावसम्म ओली रहेँ सत्ता प्राप्तिको चाहना पूरा हुँदैन भन्ने देखेर देशकै प्रधानमन्त्रीको हत्या गर्न बुनेको षड्यन्त्रको गन्ध पोखिएको हुनसक्छ, यसतर्फ सचेत हुनुपर्छ ।’



    सञ्चारकर्मीसँग भएको भर्चुअल सम्वादमा वैद्यमाथि कारवाहीको माग गर्दै प्रदेशसभाको शुक्रबारको बैठकमा वैद्यले दिएको अभिव्यक्ति संसदीय मर्यादाविपरीतको भएको बताए ।



    एमालेभित्र आन्तरिक कलहको फाइदा उठाउँदै केही तत्व सत्ताप्राप्तिका लागि प्रधानमन्त्रीको ज्यानै लिने षड्यन्त्र बनाउँदै गरेको रहस्य बाहिर आएको जिकिर गर्दै उनले यो षड्यन्त्रभित्र क–कसको सहभागिता छ भनेर खोजिने बताए ।

    सम्बन्धित विषय
    प्रतिक्रिया

    Leave a Reply

    Your email address will not be published. Required fields are marked *

    नयाँ अपडेट
    अन्य समाचार