Online Nepal
  • शुक्रबार, १६ चैत्र २०८०
  • उपत्यकामा ‘लुजडाउन’सँगै सरकारको उर्दी, २३ दिनभित्र कर तिरी सक्नुपर्ने

    उपत्यकामा ‘लुजडाउन’सँगै सरकारको उर्दी, २३ दिनभित्र कर तिरी सक्नुपर्ने

    अनलाइन नेपाल
  • बुधबार, २ असार २०७८
  • 2.3K
    SHARES

    काठमाडौं । आन्तरिक राजस्व विभागले आज एक सूचना प्रकाशित गरी कर विवरण तथा कर दाखिला गर्ने म्याद असार २५ गतेसम्म मात्रै तोकेको छ ।

    विभागका अनुसार २०७७ साल चैत र वैशाख महिनाको मासिक तथा चैत र वैशाख महिनाको द्धिमासिक अवधिको मूल्य अभिवृद्धि कर विवरण र कर दाखिला असार २५ गतेसम्म गरिसक्नुपर्नेछ ।



    त्यस्तै, २०७७ चैत र २०७८ साल वैशाख महिनाको बुझाउनुपर्ने अग्रिम करकट्टी भएको रकम र त्यसको विवरण पनि असार २५ गतेसम्म बुझाउनुपर्नेछ ।



    २०७७ चैत र २०७८ वैशाखमा बुझाउनुपर्ने अन्तःशुल्क विवरण तथा त्यस अनुसारको अन्तःशूल्क दाखिला गर्ने अवधि पनि २५ असार तोकिएको छ ।

    २०७७ चैत र २०७८ वैशाख महिनाको बुझाउनुपर्ने शिक्षा सेवा शुल्क, टेलिफोन स्वामित्व शूल्क र दूरसंचार सेवा दस्तुर दाखिला गर्ने म्याद समेत २५ असार २०७७ सम्म थप भएको विभागले जनाएको छ ।

    सर्वोच्च अदालतले मंगलबार सरकारले आर्थिक ऐन २०७७ को दफा १९ बमोजिम सूचना जारी गरेर कर तिर्ने समय तोक्न सक्ने आदेश दिएको थियो ।

    यस्तो छ आन्तरिक राजस्व कार्यालयको सूचना :

    सरकारले कोरोना भाइरस महामारीको संक्रमण तथा रोकथाम नियन्त्रणका कारण जारी गरिएको निषेधाज्ञा केही खुकुलो(लुजडाउन) गरेसँगै कर तिर्न सूचना जारी गरेको छ। यद्यपि दैनिक जनजीवन भने सहज बन्न सकेको छैन, केही बजार र सामान्य पसलहरु खोलेपनि प्राय सबै ठप्प छन्।

    सम्बन्धित विषय
    प्रतिक्रिया

    Leave a Reply

    Your email address will not be published. Required fields are marked *

    नयाँ अपडेट
    अन्य समाचार