काठमाडौं । पछिल्लो २४ घण्टा थप २ हजार ४०१ जनामा कोरोना संक्रमण पुष्टि भएको छ भने ३ हजार ६६० जना कोरोना संक्रमणमुक्त भएका छन् । त्यस्तै थप ३४ जनाको मृत्यु भएको स्वास्थ्य तथा जनसंख्या मन्त्रालयले जनाएको छ ।

मन्त्रालयका अनुसार ११ हजार ६९६ जनाको नमुना परीक्षण गर्दा २४०१ जनामा कोरोनाभाइरस संक्रमण पुष्टि भएको हो । मन्त्रालयका अनुसार पछिल्लो २४ घण्टामा ७ हजार १० जनाको पीसीआर र ७१३ जनाको एन्टिजेन विधिबाट कोरोना परीक्षण गरिएको थियो ।

योसँगै देशभर कोरोना संक्रमितको कुल संख्या ६ लाख १९ हजार ६३५ (पीसीआर) र २५ हजार ५७४ (एन्टिजेन) जना पुगेको छ । त्यस्तै हालसम्म ५ लाख ५३ हजार ३४२ जना संक्रमण मुक्त भएका छन् भने मृतकको कुल संख्या ८ हजार ६७५ पुगेको छ ।