काठमाडौं । नेपाल कम्युनिष्ट पार्टी नेकपा विप्लव नेतृत्वको नेता हेमन्त प्रकाश ओली ‘सुदर्शन’लाई हृदयघात भएको छ।

काठमाडौँको नख्खु कारागारमा रहेका नेता हेमन्तलाई हृदयघात भएपछि राजधानीको गंगालाल अस्पतालमा भर्ना गरिएको पारिवारिक स्रोतले जनाएको छ ।

‘उहाँको मुटुमा समस्या भएपछि गंगालाल अस्पताल लगिएको छ,’ पारिवारिक स्रोतले भन्यो, ‘अहिले अवस्था गम्भिर छ । आजै उहाँलाई गाह्रो भएको हो ।’

नेता हेमन्त नख्खुमा भएको वम विष्फोटको मुद्दामा कारागार चलान भएका थिए।