अश्लिल फिल्म बनाउने शिल्पा शेट्टीका श्रीमान पक्राउ, आजै अदालतमा पेस गर्ने तयारी

अश्लिल फिल्म बनाउने शिल्पा शेट्टीका श्रीमान पक्राउ, आजै अदालतमा पेस गर्ने तयारी

अनलाइन नेपाल
  • मंगलबार, साउन ५ २०७८

  • 2.6K
    SHARES

    अश्लिल फिल्म बनाउने शिल्पा शेट्टीका श्रीमान पक्राउ, आजै अदालतमा पेस गर्ने तयारी

    एजेन्सी । बलिउड अभिनेत्री शिल्पा शेट्टीका श्रीमानलाई मुम्बई पुलिसले पक्राउ गरेको छ । सोमबार राती शेट्टीका श्रीमान राज कुन्द्रालाई मुम्बई पुलिसको क्राइम ब्रान्चले पक्राउ गरेको हो ।

    मुम्बई पुलिसका अनुसार कुन्द्रा अश्लिल फिल्म (पोर्न फिल्म) बनाएर ‘ऐप’मार्फत रिलिज गरेको आरोपमा पक्राउ परेका हुन् ।



    व्यापारीसमेत रहेका कुन्द्राविरुद्द गत फेब्रुअरीमा क्राइम बेञ्चमा एउटा उजुरी दर्ता भएको थियो । त्यसको अनुसन्धानका क्रममा कुन्द्राको सहभागिता देखिएपछि उनलाई पक्राउ गरिएको मुम्बई पुलिसको भनाइ छ।

    पुलिसका अनुसार मुम्बईमा कामको खोजीमा आउने सोझा सिधा केटीलाई यो कामका लागि फसाउने गरिएको छ । ठुलो फिल्ममा काम लगाउने बहानामा समेत अश्लिल फिल्ममा काम गराउने गरिएको छ । फिल्म बनेपछि मोवाईल ऐप तथा ओटीटी प्लेटफर्ममा रिलिज गरेर लाखौ कमाउने गरिएको छ ।

    प्रहरीले यो घटनाको अनुसन्धान जारी रहेको बताएको छ । शिल्पा शेट्टी र राज कुन्द्राले भने पक्राउबारे कुनै प्रतिक्रिया जनाएका छैनन्।

    कुन्द्रालाई प्रहरीले आजै अदालतमा पेस गर्ने भारतीय सञ्चारमाध्यमहरूले जनाएका छन्।

    सम्बन्धित विषय

    अनलाइन नेपालमा प्रकाशित समाचारको बारेमा कुनै प्रतिक्रिया, सुझाव तथा सूचना दिनुपरेमा [email protected] मा पठाउनुहोला । निरन्तर समाचारको लागी हामीसँग फेशबुक तथा ट्वीटरमा जोडिन सक्नुहुनेछ ।

    प्रतिक्रिया

    सम्बन्धित समाचार