काठमाडौं । विवादका कारण नेकपा एमालेभित्र दुइ खेमा हुँदा वरिष्ठ नेता माधवकुमार नेपाल पक्षमा लागेका उपाध्यक्ष भीम रावल अन्ततः नेपाल पक्षको बैठकमा पनि सहभागी नभएपछि नेपालले घरमै पुगेर फकाउने प्रयास गरेका छन् ।

बुधबार बसेको आफूपक्षीय स्थायी कमिटीको बैठकमा सहभागी नभएपछि नेता नेपाल रावललाई भेट्न टोखास्थित उनको निवास पुगेका हुन।

टोखा पुगेका नेता नेपालले सांसदबाट दिएको राजीनामा फिर्ता लिएर आफूलाई साथ दिन आग्रह गरेको स्रोतले जनायो।

एमालेको आन्तरिक विवाद समाधानका लागि गठित कार्यदलमा नेपाल पक्षका संयोजक रहेका रावल पछिल्लो समय एमालेका दुवै पक्षसँग असन्तुष्ट देखिएका छन्।

यसअघि अध्यक्ष केपी शर्मा ओलीले पनि राजीनामा फिर्ता लिन आग्रह गरेका थिए ।