काठमाडौं । नेपाल प्रहरीकी एसएसपी पुजा सिंहले अनलाईन नेपालमा साउन ५ गते ‘ज्वाईको ‘कडा पावर’ले डिआइजी बढुवा प्रक्रिया अवरुद्ध !’ शिर्षकमा प्रकाशित समाचारप्रति खण्डन गरेकी छन् । समाचार भित्र आफ्नो बारेमा लेखिएको वाक्यांशप्रति उनले आपत्ति जनाएकी हुन् ।

अनलाईन नेपाललाई पत्र लेख्दै एसएसपी सिंहले भनेकी छन्–‘अनलाईन नेपालमा प्रकाशित गरिएको समाचारबाट मेरो प्रतिष्ठा र मार्यादामा आँच आएको हुनाले यो पत्र प्रेषित गरिरहेका छौं । मविरुद्ध लक्षित उक्त समाचार सत्य होइन ।’

एसएसपी सिंहले समाचारमा आफ्नो बारेमा उल्लेख भएको कुरा कपोकल्पित, मिथ्या, आधारहिन र ईज्जत प्रतिष्ठामा आँच आउने खालको भएको पनि उल्लेख गरेकी छन् ।