Online Nepal
  • शुक्रबार, १६ चैत्र २०८०
  • हाइटी भूकम्प अपडेट : मृतकको संख्या २ हजार नजिक

    हाइटी भूकम्प अपडेट : मृतकको संख्या २ हजार नजिक

    अनलाइन नेपाल
  • बिहिबार, ३ भाद्र २०७८
  • 1.5K
    SHARES

    एजेन्सी – हाइटीमा भूकम्पमा परी ज्यान गुमाउनेको संख्या २ हजार नजिक पुगेको छ। गत शनिबार गएको ७.२ रेक्टर स्केलको शक्तिशाली भूकम्पमा परी उक्त संख्यामा मानिसहरुको मृत्यु भएको हो।

    अगस्ट १४ सम्ममा १६ सय हाराहारी पुगेको मृतकको संख्या बढेर २ हजार नजिक पुगेको बताइएको छ। यस भूकम्पमा परी नौ हजार ९ हजार ९०० भन्दा बढी व्यक्ति घाइते भएका समाचारमा जनाइएको छ।



    यसैबीच भूकम्प गएको तीन दिनपछि हाइटीमा अवस्थित शान्ति भवनबाट १६ जनालाई जीवित उद्धार गरिएको छ। यस भूकम्पको केन्द्रविन्दु दक्षिणी शहर लेस केयेसबाट उत्तरपश्चिम ४१ किलोमिटर टाढा रहेको स्थानमा ३० किलोमिटर गहिराइमा रहेको बताइएको छ।



    भूकम्पका कारण ६० हजारभन्दा बढी घर भत्किएका छन् भने, ७६ हजार क्षतिग्रस्त भएका छन्। कमजोर संरचना भएका केही जेल तथा थुप्रै सामुदायिक विद्यालयलगायतका भवन भत्किएका छन्। यस प्रकोपको कारण पाँच लाखभन्दा बढी बालबालिका प्रभावित भएका संयुक्त राष्ट्रसङ्घको बालबालिका एजेन्सी युनिसेफले जनाएको छ। हाइटीको सरकारले भूकम्पपछिको अवस्थालाई व्यवस्थित गर्न एक महिना लामो राष्ट्रिय सङ्कटकाल घोषणा गरेको छ।

    सन् २०१० को जनवरीमा हाइटीमा गएको ७.० रेक्टर स्केलको भूकम्पले पोर्ट–औँ–प्रिन्स र नजिकैका अधिकांश शहरमा ठूलो क्षति भएको थियो। उक्त भूकम्पमा परी कम्तीमा दुई लाखभन्दा बढी मानिसको ज्यान गुमेका थिए। तीन लाखभन्दा बढी घाइते भएका उक्त घटनामा एक लाख ५० हजारभन्दा बढी हाईटीवासी घरबारविहीन भएका थिए।

    सम्बन्धित विषय
    प्रतिक्रिया

    Leave a Reply

    Your email address will not be published. Required fields are marked *

    नयाँ अपडेट
    अन्य समाचार