बराबरी गर्न बार्सिलोनालाई हम्मेहम्मे

बराबरी गर्न बार्सिलोनालाई हम्मेहम्मे

अनलाइन नेपाल
  • मंगलबार, असोज ५ २०७८

  • 1.3K
    SHARES

    बराबरी गर्न बार्सिलोनालाई हम्मेहम्मे

    एजेन्सी – स्पेनिस ला लिगा फुटबलमा बार्सिलोना र ग्रानडाले बराबरी खेलेका छन्। सोमबार राति भएको खेलमा दुई टोलीले एक–एक गोलको बराबरी खेल्दै अंक बाँडेका हुन्।

    बार्सिलोनाको घरेलु मैदान क्याम्प नोउमा सोमबार राति भएको खेलमा सुरुवाती अग्रता लिएको ग्रानडाले त्यसलाई जोगाउन सकेन। ग्रानडाका डोमिङओस डुआर्टीले खेलको दोस्रो मिनेटमा गोल गर्दै पाहुना टोलीलाई अग्रता दिए। उनले सर्जियो इस्कुडेरोको पासमा गोल गरेका थिए।



    एक गोलले पछि परेको बार्सिलोनाले बल पोसेसन राख्दै पाहुना टोलीलाई लगातार दबाब बढाएपनि गोल गर्न भने सकेको थिएन। बार्सिलोनाले ७७ प्रतिशत बल पोसेसन राखेका थियो।

    पहिलो हाफमा खेल १–० मै सकियो। दोस्रो हाफको अनितम समयसम्म पनि गोल नहुँदा खेलमा ग्रानडा जिततिर लम्बिएको थियो। तर हाारतर्फ उन्मुख बार्सिलोनाका लागि ९०औं मिनेटमा रोनाल्ड एराउजोले गोल गरे। उनले गोलले बार्सिलोनाले सो खेलमा जीवनदान पायो। उनले पाब्लो गाभिराको पासमा गोल गरेका थिए।

    यो बराबरीपछि अपराजित रहेको बार्सिलोना ४ खेलबाट ८ अंक जोडेर सातौ स्थानमा रहेको छ। समान ८ अंक रहेपनि सेभिया गोलअन्तमार छैटौं स्थानमा रहँदा ओसासुना र रियल मलोर्का आठौं र नवौं स्थानमा रहेको छ।

    सम्बन्धित विषय

    अनलाइन नेपालमा प्रकाशित समाचारको बारेमा कुनै प्रतिक्रिया, सुझाव तथा सूचना दिनुपरेमा [email protected] मा पठाउनुहोला । निरन्तर समाचारको लागी हामीसँग फेशबुक तथा ट्वीटरमा जोडिन सक्नुहुनेछ ।

    प्रतिक्रिया

    सम्बन्धित समाचार