काठमाडौं । राष्ट्रिय प्रजातन्त्र पार्टी (राप्रपा)का अध्यक्ष कमल थापाले गठबन्धन सरकारले भ्रष्टाचार र ब्रम्हलुटलाई वैधानिकता प्रदान गरेको आरोप लगाएका छन् ।

मंगलबार सामाजिक सञ्जाल ट्वीटरमार्फत् अध्यक्ष थापाले गठबन्धन सरकारलाई ‘अपवित्र’को संज्ञा दिँदै भ्रष्टाचार र ब्रम्हलुटलाई संस्थागत र वैधानिकता प्रदान गरेको बताए।

सरकारले भ्रष्टाचार गरेर आर्जन गरिएको अकुत कालो धनलाई चोख्याउने काम गरेको उनको आरोप छ । उनले यस निर्णयको विरोध जनाउदै निर्णय तत्काल फिर्ता गर्न पनि माग गरेका छन् ।

पूर्वाधारमा लगानी गर्दा आयस्रोत नखोजिने व्यवस्था गरेर वर्तमान ‘अपवित्र’गठबन्धन सरकारले भ्रष्टाचार र ब्रम्हलुटलाई संस्थागत र वैधानिकता प्रदान गरेको छ।भ्रष्टाचार गरेर आर्जन गरिएको अकुत कालो धनलाई चोख्याउने सरकारको यस निर्णयको बिरोध र भर्त्सना गर्दछु।
यो निर्णय तत्काल फिर्ता गरियोस्

— Kamal Thapa (@KTnepal) September 21, 2021