Online Nepal
  • शुक्रबार, १७ मंसिर २०७८
  • बैंकका कर्मचारीलाई हप्तामा ३ दिन छुट्टी

    बैंकका कर्मचारीलाई हप्तामा ३ दिन छुट्टी

    अनलाइन नेपाल
  • बिहिबार, ९ मंसिर २०७८
  • 1.4K
    SHARES

    एजेन्सी । बेलायतको एक बैंकले आफ्ना कर्मचारीलाई हप्तामा तीन दिन छुट्टी दिने भएको छ। बैंकले कर्मचारीको तलब नकाटीकनै हप्तामा ३ दिन छुट्टी दिने घोषणा गरेको हो।

    त्यस्तै बैंकले साप्ताहिक ‘ड्युटी हावर’मा पनि कटौति गरेको छ। एजेन्सीहरुका अनुसार एटम बैंकले साढे तीन घन्टा समय कटौति गरेको हो। यसअघि हप्तामा साढे ३७ घन्टा काम गर्ने कर्मचारीले अब ३४ घन्टामात्र काम गरे पुग्छ।



    समाचारका अनुसार उक्त बैंकमा ४ सय ३० जना कर्मचारी छन्। त्यहाँ काम गर्नेहरुलाई कि त सोमबारदेखि वा शुक्रबारदेखि तीन दिन विदा बस्ने प्रस्ताव गरिएको छ। बैंकले नोभेम्बर १ देखि नै यो व्यवस्था लागू गरेको छ।

    बैंकका सिइओ मार्क मुलेनले ‘फोर डे वर्क पोलिसी’ले कर्मचारीहरुमा अगाडि बढ्ने तागत पैदा हुने बताएका छन्। उनले भनेका छन्, ‘उनीहरु आफ्ना परिवारलाई धेरै समय दिन सक्छन्। यसले उनीहरुको निजी जीवनमा पनि फाइदा पुग्नेछ।’

    सम्बन्धित विषय
    प्रतिक्रिया
    नयाँ अपडेट
    अन्य समाचार