काठमाडौं । पछिल्लो २४ घण्टामा देशभर थप २ सय ७०  जनामा कोरोना सङ्क्रमण पुष्टि भएको छ भने सोही अवधिमा ३०२ जना सङ्क्रमणमुक्त भएका छन् ।

स्वास्थ्य तथा जनसंख्या मन्त्रालयका अनुसार ७ हजार ८२९  पीसीआर परीक्षणमा २४२ र २ हजार ६१७ एन्टिजेन परीक्षणमा २८ जना गरी २७० जनामा संक्रमण पुष्टि भएको हो।

पछिल्लो २४ घण्टामा जम्मा १० हजार ४४६ जनाको कोरोना परीक्षण गरिएको मन्त्रालयले जनाएको छ ।

यस्तै, मन्त्रालयका अनुसार हाल देशभर ७ हजार २८७ जना सक्रिय सङ्क्रमित रहेका छन् । नेपालमा निको हुने दर ९७.७ प्रतिशत रहेको छ ।

त्यस्तै, कोरोना सङ्क्रमणबाट थप २ जनाको मृत्यु भएको छ । हालसम्म देशमा कोभिड–१९ बाट ज्यान गुमाउनेको सङ्ख्या ११ हजार ५१८ को पुगेको छ ।

देशभर पछिल्लो २४ घण्टामा थप १ लाख ९६ हजार ८५३ जनाले कोरोनाविरुद्धको खोप लगाएका छन् ।