काठमाडौं । नेपालमा पछिल्लो २४ घण्टामा थप २५५ जनामा कोरोना संक्रमण पुष्टि भएको छ।
देशभरि ६ हजार ४६९ जनाको नमूना परीक्षण गर्दा २५५ जनामा संक्रमित देखिएको स्वास्थ्य मन्त्रालयले जानकारी दिएको छ।
मन्त्रालयका अनुसार ४ हजार ३२९ जनाको पीसीआर परीक्षण गर्दा २४५ जना र २ हजार १४० जनाको एन्टिजेन परीक्षण गर्दा १० जनामा कोरोना संक्रमण देखिएको थियो।
त्यस्तै पछिल्लो २४ घण्टामा २५६ जना संक्रमित कोरोनामुक्त भएका छन् भने एकैदिन २ जना संक्रमितको मृत्यु भएको छ।
मन्त्रालयका अनुसार नेपालमा ६ हजार ९३१ जना सक्रिय संक्रमित रहेका छन्।
Leave a Reply